TAMBUA WAKATI WA KUJILIWA KWAKO vol.2

 BWANA ANAJIBU KWA NAMNA USIYODHANI/NJIA ZAKE HAZICHUNGUZIKI

• usichoke kua na subira/saburi/uvumilivu.
• Usikate tamaa 
• Jenga Imani yako Kwa Mungu
• Linda Amani yako ya moyo wakati wote 
• Kua na tumani hatakama hitaji lako limekawia kiasi gani

Mfano wa uvumilivu uliojengeka katika Imani Kwa Mungu

• Ibrahimu alingoja mtoto Kwa muda wa MIAKA Tisini na Kenda NDIPO MUUJIZA wake unatendeka tena katika mazingira ambayo hakutegemea

Tazama uhitaji wa Ibrahimu: kupata mtoto, tena mrithi.

Mwanzo 15:2-4

"[2]Abramu akasema, Ee Bwana MUNGU, utanipa nini, nami naenda zangu hali sina mtoto, na atakayeimiliki nyumba yangu ni huyu Eliezeri, Mdameski? 

[3]Abramu akasema, Tazama, hukunipa uzao, na mtu aliyezaliwa nyumbani mwangu ndiye mrithi wangu. 

[4]Nalo neno la BWANA likamjia likinena, Huyu hatakurithi, bali atakayetoka katika viuno vyako ndiye atakayekurithi. "

• Kuna tofauti Kati ya mtoto na mrithi
• Mungu anamuahidi Abram kwamba atampatia mrithi Toka Tumbo la mke wake wa ndoa .

Mwanzo 15:4. "Nalo neno la BWANA likamjia likinena, Huyu hatakurithi, bali atakayetoka katika viuno vyako ndiye atakayekurithi." 

• Umri unazidi kwenda na Kwa kigezo hicho Abram anaingia kwenye mtego wa kumkosea Mungu 
• Shetani anaijaribu Imani yake Kwa kuwadanganya kwamba wanaweza kupata mtoto hata Kwa mjakazi.
• Wanasahau kwamba wanatafuta mrithi na sio mtoto TU.

Mwanzo 16:1-2

"[1]Basi Sarai mkewe Abramu hakumzalia mwana, naye alikuwa na mjakazi, Mmisri, jina lake Hajiri. 

[2]Sarai akamwambia Abramu, Basi sasa, BWANA amenifunga tumbo nisizae, umwingilie mjakazi wangu labda nitapata uzao kwa yeye. Abramu akaisikiliza sauti ya Sarai. "

• Kua makini wakati unangojea Baraka zako .
• Unapongojea MUUJIZA WAKO Adui anaweza kukuletea kila aina ya lugha ,ulagahai Ili kukuyumbisha Imani yako Kwa Mungu usikubali

TENGENEZA NA MUNGU ILI UPOKEE BARAKA ZAKO.

• MUNGU Anapatiliza maovu yetu hata kizazi baada ya kizazi lakini pia ni mwingi wa rehema akikusamehe atakubariki wewe na kizazi chako chote.
• Katika wakati wa kungojea ulionao umemkosea nini Mungu : je ulienda Kwa waganga? Au ulizini/ukitoka nje ya ndoa Ii kupata mtoto?
• Kama ulifanya hivyo inapaswa kutenge eza.

Mwanzo 17:1-3

"1]Abramu alipokuwa mtu wa miaka tisini na kenda, BWANA akamtokea Abramu, akamwambia, Mimi ni Mungu Mwenyezi, uende mbele yangu, ukawe m

kamilifu. 

[2]Nami nitafanya agano langu kati ya mimi na wewe, nami nitakuzidisha sana sana. 

[3]Abramu akaanguka kifudifudi. Mungu akamwambia, akasema," 

SOMO HILI LINAENDELEA .......

Endelea kufuatilia masomo hayayatakujenga KIROHO nawe utavuka hatua Moja kwenda nyingine. Amen

✍️✍️Mchungaji Johnson Pokeaeli